“Хөгжлийн төлөө барилгачдын нэгдэл” ТББ-аас "Барилгын салбарын сэргэлт" анхдугаар чуулганыг /2023.04.04/ зохион байгууллаа. Хэлэлцүүлэгт УИХ-ыг гишүүн Төсвийн байнгын хорооны дарга Г.Тэмүүлэн, БХБЯ-ны газрын дарга Д.Гантулга, Барилгын хөгжлийн төвийн захирал Ц.Амарсанаа нар урилгаар оролцлоо.
Тодруулбал, барилга байгууламжийн төсөвт өртөгт нөлөөлж байгаа хүчин зүйлийг судалж, үнийн өөрчлөлтийн индексийг батлах;” “Улсын төсвийн хөрөнгөөр санхүүжих төсөл, арга хэмжээ, барилга байгууламжийн төсөвт өртөгт магадлал хийх ажлыг холбогдох хууль тогтоомжийн хүрээнд зохион байгуулсан. Тиймээс 634 төсөл, арга хэмжээний 301.2 тэрбум төгрөгийн үнийн зөрүүгийн санхүүжилтыг Монгол Улсын 2023 оны улсын төсвийн тухай хуульд тусгуулж чадсан юм.
Барилга, хот байгуулалтын яамны төсвийн багцын хувьд нийт 106 төсөл, арга хэмжээний барилгын материалын үнийн өсөлтийн магадлалын дүгнэлтээр баталгаажсан 40.2 тэрбум төгрөгийг тусгагдсанаас өнөөдрийн байдлаар 11.02 тэрбум төгрөгийн материалын үнийн зөрүүг олгоод байна.
Цаашид Улсын төсвийн хөрөнгө оруулалтаар баригдаж байгаа төсөл хөтөлбөрүүдийн чанарын асуудал, газар хөдлөлтөд тэсвэрлэх норм стандартыг баримталж ажиллах, хүний нөөцийг чадавхижуулах тал дээр анхаарч ажиллах шаардлагатай байгааг төрийн байгууллагуудаас анхааруулсан юм.
