Баянхонгор аймгийн бүх сумыг эрчим хүчинд бүрэн холболоо. Галуут сумын Мандалын багийг 15 кВт-ын цахилгаан дамжуулах агаарын шугамд холбогдоход 448 сая төгрөгийн хөрөнгө оруулжээ. Үүний 200 сая төгрөг нь сумын төсвийн хөрөнгө оруулалт бол 248 сая төгрөг нь аймаг сумын орон нутаг хөгжүүлэх сангийн мөнгөөр бүрдсэн. Тус баг 240 гаруй өрх, 900 гаруй хүн амтай.
Ингэснээр хөдөөгийн иргэд нь багтаа суурьших хүсэлтэй болж, нутгийн уугуул иргэд Улаанбаатар хотоос эргэн ирж байгаа талаар албаныхан хэлж байна.
