Эрдмин ХХК Шүлтгүйжүүлэлт-Уусган хандлалт-Цахилгаан химийн технологи ашиглан “Эрдэнэт үйлдвэр” ТӨҮГ-н балансын бус, бага агуулгатай хүдрийн овоолгоос хүхрийн хүчлийн сулруулсан уусмалыг ашиглан катодын цэвэр зэс үйлдвэрлэх үйлдвэрийг 1997 оны 01-р сарын 17-нд ашиглалтанд оруулсан. “Erdenet Minerals Solution” буюу “Эрдмин”, Монгол Улсын Аж Ахуйн нэгжийн хуулийн дагуу Улсын бүртгэлтэй бөгөөд Эрдэнэт үйлдвэр ТӨҮГ-н хаягдал, балансын бус хүдрийн овоолгуудыг 40 жилийн турш ашиглах эрхтэй.
Эрдмин ХХК-ний үйлдвэрлэж байгаа катодын зэсийн чанарыг олон улсад нэр хүнд бүхий Английн “ALS” компани баталгаажуулдаг бөгөөд катодын зэсийн чанар +99,999%-н цэвэршилттэй байгаа нь Лондонгийн Металлын Биржийн “A” зэрэглэлийн чанарын шаардлагыг хангадаг. 2005 оноос 8мм болон 12 мм-н голчтой зэс утас үйлдвэрлэж, 2007 оноос цахилгааны утас үйлдвэрлэж эхэлсэн. Бид Олон улсын чанарын удирдлагын стандартын ISO 9001:2000 (MNS ISO9001/2001) –ын шаардлагыг хангасны учир уг стандартын 11 тоот гэрчилгээ гардан авсан. 2022 онд чанарын менежментийн ISO 9001:2015, байгаль орчны менежментийн ISO 45001:2018, хөдөлмөрийн аюулгүй байдал эрүүл ахуйн ISO 14001:2015 стандартыг тус тус хэрэгжүүлж эхлээд байна.
Эрдмин ХХК татварын албатай 8 төрлийн татвараар тооцоо хийдэг ба улс, орон нутгийн төсөвт татвар төлдөг томоохон аж ахуйн нэгжүүдийн нэг юм.
Эрдмин ХХК-ний үндсэн үйл ажиллагаа: Катодын цэвэр зэс үйлдвэрлэл, төрөл бүрийн цахилгааны кабель утас үйлдвэрлэл.
ЭРДМИН ХХК-ИЙН ҮЙЛДВЭРЛЭЖ БУЙ БҮТЭЭГДЭХҮҮН
Катодын цэвэр зэс
Эрдмин ХХК-ийн төслийн хүчин чадал 3000 тн.