“ИКОН” ХХК нь 2002 онд гадаад ба дотоод худалдаа, эрчим хүч, дулаан хангамжийн шинэ техник тоног төхөөрөмжүүдийг ханган нийлүүлэх, угсарч суурилуулах ажил үйлчилгээг хийж гүйцэтгэх зорилготой байгуулагдсан бөгөөд үйл ажиллагаагаа өргөжүүлэн сургалт, семинар зохион байгуулах, инженерийн зөвлөх үйлчилгээ үзүүлэх, эрчим хүч, барилга угсралт, нийтийн аж ахуй, байгаль орчны чиглэлээр дотоодын болон олон улсын байгууллага, компаниудтай хамтран төсөл хөтөлбөрүүдийг амжилттай хэрэгжүүлж байна. Дэлхийн чанарыг Монголд уриан дор олон улсын байгууллага, мэргэжилтнүүдтэй хамтран ажиллах, туршлага солилцоход ихээхэн анхаарч үйл ажиллагаагаа чиглүүлэн ажиллаж байна.
Мөн манай хамт олон барилга угсралтын ажил гүйцэтгэх, эрчим хүчний чиглэлээр техник эдийн засгийн үндэслэл боловсруулах, хэрэглэгчдийн захиалгын дагуу дулааны цогц төхөөрөмж, хаалт арматур, насос, цахилгаан тоноглол нийлүүлэх, угсрах, зураг төсөл боловсруулах, мэргэжлийн зөвлөгөө өгөх ажлуудыг гүйцэтгэж байна. Бид дулааны цахилгаан станцууд, өргөх насос станцууд, дулаан дамжуулах төвүүд, орон сууцны конторууд, болон хөдөө орон нутагт хэрэгжсэн олон төсөл хөтөлбөрүүдэд ажиллаж ихээхэн дадлага туршлага хуримтлуулахын зэрэгцээ мэдлэг, чадавхаа дээшлүүлж байна. Манай хамт олон монгол улсын эрчим хүч, барилга, нийтийн аж ахуйн салбаруудад ажиллаж байсан олон жилийн туршлагатай инженер техникийн ажилтнууд, монгол улсын зөвлөх зэрэгтэй инженерүүдийн багаас бүрддэг.
Эрхэм зорилго
- Шинэлэг сэтгэлгээ ба бидний нөр их туршлага, мэдлэг
- Чанарыг эрхэмлэсэн соёлтой үйлчилгээ
- Монгол ухааныг дээдэлсэн стратеги