Болд конкрет ХХК

“Болд конкрет” ХХК нь 2020 оны 04 дүгээр сараас эхлэн бетон зуурмагийн үйлдвэрлэл, бетон хийц чиглэлээр үйл ажиллагаа явуулж байгаа бөгөөд барилгын бетон зуурмагийн үйлдвэрлэлийн салбарын хөгжилд өөрсдийн хувь нэмрээ оруулж буй залуу хамт олон юм. Манай компанийн удирдлагууд болон үйлдвэрийн ажилчид нь Япон улсад шилдэгт тооцогддог барилгын материал үйлдвэрлэгч компаниудад 10 гаруй жилийн турш барилгын материалын үйлдвэрлэл болон бетон хийцийн салбарт тасралтгүй ажилласан чадварлаг мэргэжилтнүүд бөгөөд цаашид Монгол Улсын барилгын салбарын хөгжилд Япон улсын барилгын стандартад нийцсэн технологийг Монголд нэвтрүүлэх зорилготой дотоодын 100 хувийн хөрөнгө оруулалттай компани юм. Бид чанартай барилга барихад олон улсын стандартад нийцсэн барилгын түүхий эд бэлтгэн нийлүүлэх нь эрсдэл гарахаас урьдчилан сэргийлэх чухал ач холбогдолтой гэж үздэг. Тиймээс улс орныхоо эрх ашиг ард түмний тав тухтай амьдрах орчинг бүрдүүлэх, байгалийн давагдашгүй хүчин зүйлээс учирч болох хохирлыг багасгахын тулд Япон улсын туршлага, барилгын стандарт чанарыг үйлдвэрлэлд нэвтрүүлснээр иргэдийг эрүүл аюулгүй орчинд амьдрахад нь тодорхой хэмжээний хувь нэмрээ оруулах нь бидний үнэт зорилго юм. Мөн манай компани үндэсний шилдэг үйлдвэрлэгч байж, харилцагч байгууллагуудтайгаа хариуцлагатай, итгэлтэй, өндөр гүйцэтгэлтэй, хурдтай байхыг нэн тэргүүнд тавьдаг ба чадварлаг боловсон хүчин, өндөр хүчин чадал бүхий үйлдвэрийн техник тоног төхөөрөмжөөр чанарын өндөр түвшний бетоныг зах зээлд бэлтгэн нийлүүлэхээр ажиллаж байна. 

Эрхэм зорилго: Бүхнийг чанараар бүтээнэ

Зах зээлийн шаардлагад нийцсэн чанарыг эрхэмлэгч хамт олон байж, үүрэг хариуцлага, хөдөлмөрийн аюулгүй байдлыг чанд сахиж ажиллана.