Монгол базальт ХК

Дулаан, дуу тусгаарлагч материал

Монгол базальт ХК

🌐 http://basaltwool.mn/📍 Баянгол дүүрэг, 20-р хороо, үйлдвэрийн баруун бүс, үйлдвэрийн тойрог, 132

Монгол Базальт ХК нь улсын хөгжлийн түүчээ, эдийн засгийн тэргүүлэх чиглэл бүхий металл бус боловсруулах хүнд үйлдвэрлэлийн салбарт өндөр техник технологийн Евро-стандартын галын аюулгүй байдлыг хангах онцгой тусгаарлагч бүтээгдэхүүний үйлдвэрийг нутагшуулан барилга, дэд бүтэц, эрчим хүчний салбаруудад нийлүүлэн үйл ажиллагаа явуулж байна.
Монгол Базальт ХК нь галт уулын чулуулгийг чулуун хөвөн болгон хувиргаж, нийгэмд тулгарч буй уур амьсгалын өөрчлөлтийн томоохон сорилтуудыг шийдвэрлэхэд хувь нэмэр оруулах бүтээгдэхүүн үйлдвэрлэж, орчин үеийн амьдралыг баяжуулж, аюулгүй, эрүүл, уур амьсгалд илүү тэсвэртэй нийгмийг бий болгох шинэ боломжийг бий болгодог.
Сүүлийн жилүүдэд Улаанбаатар хотын иргэдэд тулгамдсан асуудал болсон хүлэмжийн хий болон агаар орчны бохирдлыг бууруулах ажил төдийлөн үр дүнд хүрэхгүй байгаад бид сэтгэл зовниж байдаг билээ. Иймээс манай компани нь агаар орчны бохирдлыг бууруулах, эрчим хүч хэмнэх цорын ганц үйлдвэрлэгч компани болж байгаагийнхаа хувьд ямар ч эрсдэлийг даван туулах үндэсний үйлдвэрлэгч байх замыг баттай сонгон үйлдвэрлэлээ өргөжүүлэн хөгжүүлж байна.

Түүнчлэн, хүний нөөцийг хөгжүүлэх, үйлдвэрийн аюулгүй байдлыг хангах, бүтээмжийг нэмэгдүүлэх, цэвэр үйлдвэрлэл явуулах, нийгмийн хариуцлагатай бизнесийг хөгжүүлэх бодлогыг баримтлан ажиллана.

Компанийн Философи

Тогтвортой байдал нь шинэлэг бүтээгдэхүүн, шийдэл, түншлэлээр дамжуулан тогтвортой хөгжлийн сорилтуудыг бизнесийн боломж болгон хувиргахад чиглэдэг бидний бизнесийн стратегийн салшгүй хэсэг юм.

Монгол Базальт ХК-ийн үйл ажиллагаа, бүтээгдэхүүн нь нийгэм, эдийн засаг, байгаль орчны олон тал дээр эерэг үнэ цэнийг бий болгодог.

Дэлхий нийтийн тулгамдсан асуудал болох экологийн тэнцвэрт байдлыг хадгалах, хүлэмжийн хийг бууруулах, агаарын бохирдлыг багасгах, эрүүл, аюулгүй орчинд ажиллаж, амьдрах нөхцөлийг бүрдүүлэхэд бодит дэмжлэг үзүүлж чадахуйц нийгэм, олон нийтийн хүртэх өгөөж өндөртэй салбарт компани үйл ажиллагаагаа явуулдаг бөгөөд Монгол Базальт ХК-ийн философи тогтвортой хөгжлийн зорилтуудтай нягт улдаа холбоотой.

Бид тогтвортой хөгжлийн 17 зорилтоос 10-ыг нь эрэмбэлэн манай бизнест хамгийн их ач холбогдолтой, ахиц дэвшил, ололт амжилтыг хэмжих шалгуур болгон ашиглаж байна.

Бид бүтээгдэхүүнээ ашигласнаар тогтвортой хөгжилд хамгийн их эерэг нөлөө үзүүлдэг. Бидний бүтээж буй бүтээгдэхүүн нь иргэдийн эрүүл мэнд, сайн сайхан байдлыг сайжруулаад зогсохгүй уур амьсгалын өөрчлөлттэй тэмцэх шийдлүүдийн нэг юм.

Компанийн эрхэм зорилго:

Инноваци шингэсэн үйлдвэрлэл технологиороо салбараа манлайлан хөгжүүлж, хүний амьдрах орчинг эрүүл тав тухтай, байгаль дэлхийд ээлтэй, барилга хийцийн эрсдэлгүй, ирээдүй хойчдоо өвлүүлэн үлдээх, ямагт өсөх үнэ цэнэ бүхий баталгаат хөрөнгө оруулалтыг бий болгохыг ямагт эрмэлзэнэ.

Алсын хараа:

Эрчим хүчний хэмнэлт, булааны алдагдлыг бууруулах эрдэст чулуун хөвөн бүтээгдэхүүнийг хэрэглээнд өргөн нэвтрүүлэх аргаар дэлхийн дулаарлыг бууруулах, агаар мандалд ялгарах хүүрсхүчлийн хийг бууруулах, агаар мандалд ялгарах хүүрсхүчлийн хийг бууруулах, Улаанбаатар хотын агаарын бохирдлыг багасгахад дорвитой хувь нэмэр оруулах. Үүний тулд улс, орны бүтээн байгуулалт, хөрөнгө оруулалтын томоохон төслүүдтэй хамтарч ажиллах. Хүний нөөцийг хөгжүүлэх, үйлдвэрийн аюулгүй байдлыг хангах , бүтээжмийг нэмэгдүүлэх, цэвэр үйлдвэрлэл явуулах, нийгмийн хариуцлагатай бизнесийг хөгжүүлэх бодлогыг баримтлан ажиллана.

BASALTWOOL

Чулуун хөвөн дулаан тусгаарлагч материал нь ОУ-ын галын А1 зэрэглэлийн стандартад МУ-аас цор ганц нийцдэг тусгай бүтээгдэхүүн бөгөөд байгаль орчин, хүн нийгэмд ээлтэй, нүүрсхүчлийн хий, түүний ул мөрийг бууруулах, эрчим хүч, дулааны хамгийн их хэмнэлт үүсгэх, чанарын эрсдэлгүй үндэсний тогтвортой бүтээн байгуулалтуудыг дэлхийн чанар үзүүлэлтэд нийцүүлж буй стратегийн онц чухал бүтээгдэхүүн юм.

Чулуун хөвөн нь галд тэсвэртэй, дуу чимээ тусгаарладаг, эдэлгээ урт, эрүүл мэндэд сөрөг нөлөөгүй гэх мэт олон давуу талтай байгалийн гаралтай материал бөгөөд үүнийг барилга байгууламж, үйлдвэр, тээвэр, цэцэрлэгжүүлэлт, усны менежментэд ашиглахад тохиромжтой.