“Эг-Өргөө” ХХК нь 2012 оноос хойш хөнгөн блок үйлдвэрлэлийн чиглэлээр үйл ажиллагагаа явуулж ирсэн бөгөөд сүүлийн 4 жилд полистирол бетон технологийг нэвтрүүлэн ханын хавтан, лего блок үйлдвэрлэн одоог хүртэл үйл ажиллагаагаа тасралтгүй 4 улиралын турш явуулж байна. Бид бүтээгдэхүүний түүхий эд болох хаягдал хөөсөнцөрийг дахин боловсруулж ашигладаг ба энэ нь байгальд хэдэн зуун жил шингэдэггүй хөөсөнцөрийг эдийн засгийн эргэлтэнд оруулдаг. Манай компани байшингийн суурь болон суурьны дулаалга, өрөө хоорондын тусгаарлалтын полистрол хавтан, хувийн орон сууц болон үйлдвэрийн барилгын зориулалтаар ашиглах лего блок, 2 төрөл хэмжээгээр үйлдвэрлэдэг.Үйлдвэрийн хүчин чадал өдөрт дундажаар 60м.куб полистирол бетон лего блок, полистрол хавтан үйлдвэрлэдэг, цаашид хүчин чадалаа нэмж өдөрт 200м.куб бүтээгдэхүүн үйлдвэрлэхээр зорилт тавин ажиллаж байна. Манай компани нийт 15 ажилтантай бөгөөд ажилчидын нийгмийн амьжиргааны асуудалыг тодорхой хэмжээнд шийдэж ирсэн ба нийгмийн хариуцлагын хүрээнд олон нийтийн хамтарсан үйл ажилгаанд идэвхтэй оролцон жилд дунджаар амжиргаа доогуур болон байгалийн гамшигт нэрвэгдэж орон гэрээ алдсан 1-2 айлд байшингийн блокыг хандивлан тусалсаар ирсэн.
Лего блокны давуу тал: Нэмэлт дулаалга шаардлагагүй, дулаалгын материалын зардлыг хэмнэдэг, байшин барих явцад хог хаягдал болон орчны бохирдол үүсгэхгүй цаг хугацаа хэмнэх, мөн газар хөдлөлтөнд тэсвэртэй байх далд карказын нүхтэй, байшингын өрлөгийн хугацаа нэг байшингийн торхыг нэг өдрийн дотор өрж босгох гэх мэтийн ашигтай талууд ихтэй, мөн манай блок нүхтэй байгаа нь карказан барилгыг 3-4 дахин хямдаар босгох мод панер хэрэглэдэггүй ногоон бүтээгдэхүүн билээ.