Архитектурын зураг төслийн үе шатны 1-р хэсэгт гол санааг эрэлхийлэх үед гараар зурах нь бүтээлч архитекторт илүү чөлөөтэй сэтгэх боломжийг олгоно. Аль болох жижиг дүрслэлээр шугам ашиглахгүй зурах нь төсөөллийг илүү ажиллуулж форматад буулгахад хялбар болгоно. Анхны санааг уран бүтээлч өөртөө зориулж хийх ба шаардлагатай тохиолдолд зураг төслийн баг, захиалагчид илүү ойлгомжтой байдлаар задлан зурж харуулна. Мөн барилгын хэлбэр , харьцааг эрэлхийлэх үед ноорог макет, зургийн программ, зарим тооцоотой /нарны тусгал, сүүдэрлэлт, хүний хөдөлгөөн, гамшгийн үеийн нүүлгэн шилжүүлэлт гэх мэт/ хослуулан гар таталбар хийж болно. Төслийн үндсэн санаа, эдэлбэр газрын болон барилгын дотоод орон зайн зохион байгуулалт, гадаад хэлбэр, харьцаа тодорхой болсон үед зураг төслийн программ дээр загвар зургийг гүйцэтгэж цаг хэмнэх нь тодорхой юм.
Хэдий зураг төслийн программын хөгжил олон давуу талыг авчирч байгаа ч гараар зурах нь архитектор хүний төсөөлөл, орон зайн баримжаа, масштаб, нүд ба гарын мэдрэмж, харьцаа, өнгөний мэдрэмж зэргийг бүтээлч сэтгэхүйн хамт хөгжүүлнэ.
Удахгүй хиймэл оюун ухаанаар архитектурын гар таталбарыг хүний оролцоогүйгээр уран сайхны зураг /рендер/ болгох нь тодорхой болсон байна.
Хувийн сууцны жишээ. Арх-Д.Гантулга
Гэр сууцны жишээ Арх-Д.Гантулга
Сонгодог хэлбэрийн хувийн сууцны жишээ
Барилгын ерөнхий төлөвлөгөөний жишээ
Дэлхийн шилдэг архитектурын жишээ Арх-Ле Корбьюзе /Chapel of Notr dam de haut, Palace of assembly-Chandigarh, Church of saint Pierre/
Фрэнк Гери /Guggenheim museum, Bilbao/