Монголын архитекторуудын эвлэл, Японы “Living CG” компанитай хамтран “Lumion youth award” уралдааныг Токио хотноо зохион байгуулжээ. Хоёр улсын архитекторууд анимейшн бүтээж өрсөлдсөн тус уралдаанд манай архитектор Ч.Бат-Оргилын “Memory” бүтээл тэргүүлж, гран при шагнал хүртсэн байна. Мөн ШУТИС-ийн оюутнуудын бүтээл тусгай байрт шалгарчээ.
Уралдааны гол шалгуур нь архитектурын 3D зураг боловсруулдаг “Lumion” программаар анимейшн бүтээх байсан юм. Японы оролцогчид Монгол Улсыг уран зөгнөлт маягаар харуулах “Fantasy of Mongolia” сэдвээр бүтээл хийх даалгавар авсан бол монголчууд “Fantasy of Japan” сэдвээр нэг минут 20 секундийн хугацаатай анимейшн хийжээ.
